Купалаўцы сталі ўдзельнікамі семінара-практыкума "Эфектыўнасць прымянення інавацый у карэкцыйна-адукацыйным працэсе", які прайшоў на базе ДУА "Гродзенская спецыяльная школа-інтэрнат №2" г. Гродна.
У чацвер, 21 сакавіка, студэнты 4 курса спецыяльнасці «Лагапедыя» педагагічнага факультэта разам са старшым выкладчыкам Аксанай Фаміной наведалі ДУА «Гродзенская спецыяльная школа-інтэрнат №2».
Мэтай мерапрыемства стала павышэнне кампетэнтнасці ўдзельнікаў семінара-практыкума ў пытаннях развіцця маўлення і слыхавога ўспрымання вучняў з парушэннем слыху, у тым ліку кампенсаваным кахлеарным імплантам, з прымяненнем інавацый у карэкцыйна-адукацыйным працэсе.
Практыка-арыентаваны падыход дазваляе студэнтам не толькі засвоіць тэарэтычныя веды, але і прымяніць іх на практыцы пад чулым кіраўніцтвам выкладчыкаў.
Удзельнікі семінара азнаёміліся з аўтарскімі электроннымі адукацыйнымі рэсурсамі, прагледзелі фрагменты карэкцыйных заняткаў з навучэнцамі з парушэннем слыху з выкарыстаннем метадычных комплексаў "Мерсібо" і "Разумнае люстэрка", сталі гледачамі тэатралізаванай пастаноўкі паводле казкі Чукоўскага "Муха-Цакатуха". Мерапрыемства атрымалася творчым і разнапланавым, што садзейнічала стварэнню безбар'ернага асяроддзя для камунікацыі ўдзельнікаў.
Гродзенскі дзяржаўны ўніверсітэт імя Янкі Купалы