Учора, 24 красавіка, падчас выхавання псіхалагічнай культуры на фізіка-тэхнічным факультэце прайшоў псіхалагічны трэнінг. Мерапрыемства адбылося па ініцыятыве ячэйкі пярвічнай арганізацыі ГА “БРСМ” факультэта.
Мадэратарам інтэрактыўнай сустрэчы выступіла педагог-псіхолаг сацыяльна-педагагічнай і псіхалагічнай службы ўніверсітэта Таццяна Мінько. Трэнінгавая група была накіравана на развіццё культуры самапазнання студэнтаў.
Мерапрыемства ўключала ў сябе шэраг псіхалагічных методык, практыкаванняў і тэстаў, якія закліканы дапамагчы студэнтам лепш пазнаць сябе як асобу, зразумець свае ўнутраныя якасці і нераскрытыя магчымасці. Сустрэча прайшла ў сяброўскай і пазітыўнай атмасферы. На працягу ўсяго трэнінгу ўдзельнікі дзяліліся сваімі ўражаннямі і эмоцыямі, абмяркоўвалі, з якімі цяжкасцямі сутыкнуліся.
Інтэрактыўны семінар садзейнічаў стварэнню спрыяльнай атмасферы ў студэнцкім калектыве, яго згуртаванню, павышэнню ўзроўню прафесійнай псіхалагічнай культуры купалаўцаў.
Псіхалагічныя трэнінгі праходзяць на фізіка-тэхнічным факультэце ўжо не першы раз і карыстаюцца папулярнасцю сярод студэнтаў. Падобнага роду мерапрыемствы дазваляюць студэнтам лепш спазнаць адзін аднаго і атрымаць зарад станоўчай энергіі.
Гродзенскі дзяржаўны ўніверсітэт імя Янкі Купалы