У рамках круглагадовай спартакіяды 2023/2024 сярод студэнтаў ГрДУ імя Янкі Купалы адбыліся спаборніцтвы па лёгкай атлетыцы. Смельчакі з розных факультэтаў прадэманстравалі сваё ўменне пераадольваць перашкоды і дасягаць вышыні.
Сярод жаночых каманд наймацнейшымі і таленавітымі сталі ўдзельніцы інжынернага факультэта, якія занялі бясспрэчнае першае месца. Педагагічны факультэт заслужана заняў другое месца, прадэманстраваўшы высокі ўзровень падрыхтоўкі і спартыўнае майстэрства. Юрыдычны факультэт, не адстаючы ад лідэраў, заваяваў трэцюю прыступку пастамента, уразіўшы сваімі дасягненнямі.
Сярод мужчынскіх каманд зрабілі фурор удзельнікі ваеннага факультэта, якія занялі першае месца. Іх дысцыпліна, сіла і імкненне да перамогі прынеслі свой плён. Юрыдычны факультэт, які прадэманстраваў выдатныя спартыўныя навыкі, упэўнена заняў другое месца. Інжынерны факультэт, змагаючыся да апошняга моманту, заваяваў заслужанае трэцяе месца.
Удзельнікі спаборніцтваў прадэманстравалі не толькі свае фізічныя магчымасці, але і моц духу, сяброўства і салідарнасць. Гэтыя спаборніцтвы сталі сапраўдным святам для ўсіх студэнтаў і выкладчыкаў, якія аб'ядналіся вакол сваіх каманд і падтрымліваюць іх у цяжкіх момантах.
Гродзенскі дзяржаўны ўніверсітэт імя Янкі Купалы