У Гродзенскім дзяржаўным універсітэце імя Янкі Купалы з 27 чэрвеня па 1 ліпеня адбываўся прыём дакументаў у пераможцаў шматпрофільнай універсітэцкай алімпіяды Купалаўскага ўніверсітэта.
Магчымасцю паступіць у Гродзенскі дзяржаўны ўніверсітэт імя Янкі Купалы па выніках універсітэцкай алімпіяды і стаць студэнтамі-купалаўцамі без уступных іспытаў і ЦТ скарысталіся 43 абітурыенты!
Абітурыенты-алімпіяднікі выбралі для паступлення 17 спецыяльнасцей: «Прыкладная матэматыка», «Матэматыка», «Экалогія», «Біяхімія», «Фундаментальная і прыкладная біятэхналогія», «Гісторыя», «Руская філалогія», «Беларуская філалогія», «Пачатковая адукацыя», «Спецыяльная і інклюзіўная адукацыя», «Псіхалогія», «Работатэхнічныя сістэмы», «Рамана-германская філалогія», «Сучасныя замежныя мовы», «Будаўніцтва будынкаў і збудаванняў», «Электраэнергетыка і электратэхніка», «Сацыяльна-педагагічнае і псіхалагічнае адукацыя».
Залічаны па рашэнні прыёмнай камісіі ў лік студэнтаў 40 абітурыентаў.
Конкурс адбыўся па спецыяльнасцях «Гісторыя», «Беларуская філалогія», «Руская філалогія».
Сярод залічаных у лік студэнтаў 4 чалавекі пражываюць у Брэсцкай вобласці, па адным у Віцебскай, Мінскай і Гомельскай абласцях, 33 чалавекі прадстаўляюць 13 раёнаў Гродзенскай вобласці.
Усяго для абітурыентаў, якія паступаюць без уступных іспытаў як пераможцы ўніверсітэцкай алімпіяды, у 2024 годзе было выдзелена 65 месцаў для атрымання агульнай і спецыяльнай вышэйшай адукацыі за кошт сродкаў бюджэту.
Даведачна: Шматпрофільная ўніверсітэцкая алімпіяда ГрДУ імя Янкі Купалы ўключыла ў сябе ў 2024 годзе профільныя алімпіяды па 8 вучэбных прадметах: біялогія, гісторыя Беларусі, руская мова і літаратура, беларуская мова і літаратура, матэматыка, фізіка, хімія і англійская мова.
Гродзенскі дзяржаўны ўніверсітэт імя Янкі Купалы