4 жніўня прайшоў сёмы па ліку «Міжнародны мінскі трыятлон – 2024». Падзея сабрала 1250 удзельнікаў. Купалавец па выніках трыятлона заваяваў медаль.
Дэкан факультэта фізічнай культуры ГрДУ імя Янкі Купалы Віталь Храмаў стаў сярэбраным прызёрам ва ўзроставай групе 55-59 гадоў на дыстанцыі «Палавінка».
Дыстанцыя «Палавінка» уключала ў сябе серыю захапляльных выпрабаванняў: 1,8 км плавання, 90 км велагонкі і 21 км бегу. Гэтая дыстанцыя патрабавала не толькі фізічнай цягавітасці, але і стратэгічнага мыслення, умення размяркоўваць сілы і эфектыўна выкарыстоўваць свае рэсурсы на кожным этапе спаборніцтваў.
Поспех Віталя Храмава на трыятлоне з'яўляецца не толькі ягонай асабістай перамогай, але і прыкладам для ўсіх удзельнікаў купалаўцаў. Яго ўпартасць, мэтанакіраванасць і адданасць спорту чарговы раз становяцца крыніцай натхнення.
Міжнародны мінскі трыятлон-2024 пакінуў незабыўныя ўражанні ва ўсіх яго ўдзельнікаў і гледачоў, стымулюючы да новых спартыўных выклікаў і подзвігаў.
Гродзенскі дзяржаўны ўніверсітэт імя Янкі Купалы