Дзень ведаў – асаблівая дата для школьнікаў, студэнтаў, педагогаў і бацькоў. Урачыстыя лінейкі ўжо ззаду, а тэма першага занятку ў новым навучальным годзе «Нам ёсць чым ганарыцца, нам ёсць што берагчы!». Гэтая лекцыя прайшла на ўсіх факультэтах Гродзенскага дзяржаўнага ўніверсітэта імя Янкі Купалы!
У Год якасці і 80-годдзя вызвалення Беларусі ад нямецка-фашысцкіх захопнікаў гутарка была аб дасягненнях беларускага народа, якімі мы па праве ганарымся, аб тых каштоўнасцях, якія важна захаваць у імя будучыні.
Ключавы аспект – развіваць у вучняў імкненне да пошуку аб'ектыўнай інфармацыі аб подзвігу і гераізме беларускага народа ў час Вялікай Айчыннай вайны; выхаваць паважлівыя адносіны да такіх каштоўнасцей, як абавязак і служэнне Айчыне; садзейнічаць захаванню гістарычнай памяці, сувязі пакаленняў і дасягненняў беларускага народа; фарміраваць у вучняў грамадзянска-патрыятычныя якасці асобы.
Прэзідэнт Беларусі Аляксандр Лукашэнка адзначыў, што «поспехі і дасягненні людзей ствараюць гісторыю дзяржавы, аб'ядноўваюць народ у пачуцці гонару за сваіх суайчыннікаў, фарміруюць імідж краіны - моцнай, паспяховай, стваральнай і абавязкова прыгожай».
Лекцыя «Нам ёсць чым ганарыцца, нам ёсць што берагчы!» нагадвае аб тым, што валоданне ведамі – гэта не толькі прывілей, але і адказнасць. Купалаўцы павінны ганарыцца сваімі дасягненнямі, імкнуцца да новых вяршыняў, але пры гэтым шанаваць і берагчы тыя веды, якія ўжо ў нас ёсць.
У Гродзенскім дзяржаўным універсітэце імя Янкі Купалы гэтая тэма была асветлена на ўсіх факультэтах, каб натхніць студэнтаў і выкладчыкаў на новыя здзяйсненні. Тут шануюць веды, заахвочваюць імкненне да самаразвіцця і падтрымліваюць ідэю, што веды – гэта сіла, здольная змяніць свет да лепшага.
Гродзенскі дзяржаўны ўніверсітэт імя Янкі Купалы