Купалаўцы, запрашаем вас правесці верасень з карысцю! Далучайцеся да захапляльных мерапрыемстваў, удзельнічайце ў конкурсах і турнірах, праяўляйце свае творчыя здольнасці і напаўняйце сваё жыццё яркімі эмоцыямі! Падрыхтавалі для вас план актыўнасцей.
З 2 па 13 верасня 2024 года напярэдадні святкавання Дня народнага адзінства Рэспублікі Беларусь адбудзецца конкурс "Люблю цябе, мая Беларусь".
Для ўдзелу ў конкурсе неабходна да 11 верасня 2024 года накіраваць па электроннай пошце csi@grsu.by заяўку і фотаработы.
На конкурс прымаюцца работы ў наступных намінацыях: "Мы розныя, але нас аб'ядноўвае любоў да Беларусі"; "Мой горад самы лепшы"; "Я беларус і гэтым ганаруся"; "Зроблена ў Беларусі"; "Са знакам якасці". Дапускаецца ўдзел адразу ў некалькіх намінацыях.
З 11 па 13 верасня пройдзе адкрыты інтэлектуальна-спартыўны турнір “Беларусь: Адзінства. Незалежнасць. Будучыня».
У турніры могуць прыняць удзел каманды ў складзе 12 чалавек (6 - студэнцкая моладзь і 6 - работнікі).
Заяўкі прымаюцца да 9 верасня 2024 г. па адрасе вул. Ажэшкі, 22, каб. 308, тэл.: 8 152 39 72 09, у электронным выглядзе на e-mail: inal@grsu.by.
15 верасня 2024 года - апошні дзень падачы заяўкі на яркі і запамінальны конкурс "Студэнт года". Не выпусціце магчымасць заявіць аб сабе!
19 верасня ў 18.30 па адрасе вул. Леніна, 32, актавая зала адбудзецца канцэрт-прэзентацыя творчых калектываў і праектнай дзейнасці Купалаўскага ўніверсітэта. Выдатная магчымасць абраць месца для рэалізацыі творчага патэнцыялу і не толькі.
Удзельнікі праекта "Творчасць без межаў" запрашаюць на музычную гульню "DoFaMin", якая ўжо ўпадабалася, 24 верасня 2024 года па адрасе вул. Леніна, 32, актавая зала.
Рэгістрацыя будзе адкрыта крыху пазней, але напамін у тэлефоне паставіць можна прама зараз.
Прагляд фільма "Альпійская балада" ў рамках праекта "Кіно ў дэталях" адбудзецца 26 верасня 2024 года ў 15:30, па адрасе: вул. Ажэшкі, 22, аўд. 318.
Гродзенскі дзяржаўны ўніверсітэт імя Янкі Купалы