Традыцыйна курсанты першага курса прынеслі клятву на вернасць Радзіме падчас урачыстай цырымоніі, якая адбылася 7 верасня на Кургане Славы.
Урачысты момант з курсантамі падзялілі намеснік Міністра абароны па тылу - начальнік тылу Узброеных Сіл Рэспублікі Беларусь, генерал-маёр Андрэй Бурдыка, намеснік старшыні Гродзенскага аблвыканкама Віктар Пранюк, рэктар Гродзенскага дзяржаўнага ўніверсітэта імя Янкі Купалы Ірына Кітурка, заказчыкі кадраў, а таксама блізкія і родныя курсантаў.
Са словамі віншавання і пажаданні да маладых вайскоўцаў звярнуліся Андрэй Бурдыка, Віктар Пранюк, а таксама Ірына Кітурка, якія адзначылі важнасць і асаблівую трапятлівасць гэтага дня. Прысяга - не проста словы! Гэта важная клятва, напоўненая любоўю да сваёй сям'і, малой радзімы і Беларусі. Урачыстую клятву сёлета прынеслі 48 чалавек, якія навучаюцца па спецыяльнасцях "Фізічная культура" і "Тылавое забеспячэнне войскаў".
- Курсанты паспяхова прайшлі пачатковую прафесійную падрыхтоўку і на выдатна спраўляліся з усімі пастаўленымі задачамі. І сёння яны прамаўляюць запаветныя словы ў значным для кожнага жыхара Гродна месцы - на Кургане Славы. Мы ўсе аддаём даніну памяці і павагі тым, хто аддаў свае жыцці за мірную будучыню. Упэўнены, што курсанты прадоўжаць слаўныя традыцыі нашых дзядоў і прадзедаў і будуць дастойна несці службу, - адзначыў начальнік ваеннага факультэта Генадзь Песляк.
Ваенны факультэт Гродзенскага дзяржаўнага ўніверсітэта імя Янкі Купалы закліканы рыхтаваць эліту беларускай арміі, навучаць і выхоўваць гонар, годнасць, адданасць і любоў да радзімы. Факультэт валодае выдатнай матэрыяльна-тэхнічнай базай, якая дае магчымасць якасна рыхтаваць курсантаў.
Як падкрэсліў Андрэй Бурдыка, курсанты прайшлі сур'ёзную ўступную кампанію. Трэба было сапраўды паспрабаваць, паказаць усе свае веды, каб папоўніць шэрагі курсантаў.
- Хвалююцца не толькі курсанты, але і ўсе мы, і з нецярпеннем чакаем заканчэння вучобы рабят і дзяўчат, калі яны папоўняць шэрагі беларускай арміі. У Купалаўскага ўніверсітэта вялікі вопыт падрыхтоўкі ваенных кадраў - гэта ўжо 20-ы набор. Зразумелая справа, што ўсё не можа быць заўсёды ідэальна, але любыя пытанні вырашаюцца аператыўна і якасна. У міністэрстве ведаюць, што на ваенны факультэт можна разлічваць, і заўсёды аказваецца ўся неабходная дапамога ў падрыхтоўцы курсантаў. Выпускнікі-купалаўцы годна нясуць званне афіцэра, - распавёў Андрэй Бурдыка.
Дарэчы, на вайсковым факультэце ГрДУ імя Янкі Купалы рыхтуюць спецыялістаў не толькі для Узброеных сіл, але і для Дзяржаўнага пагранічнага камітэта, Міністэрства ўнутраных спраў, Камітэта дзяржбяспекі, Міністэрства па надзвычайных сітуацыях.
Пасля паступлення на ваенную спецыяльнасць юнакі і дзяўчаты знаходзяцца на поўным дзяржаўным забеспячэнні і набываюць статус ваеннаслужачага кантрактнай службы, гэта значыць, што курсанту забяспечаны пэўныя сацыяльныя гарантыі. Напрыклад, бясплатнае атрыманне адукацыі, высокая стыпендыя, курсанты забяспечаны ўсім неабходным падчас навучання, а пасля выпуску гарантавана працаўладкаванне.
Гродзенскі дзяржаўны ўніверсітэт імя Янкі Купалы