Мэта візіту простая - даведацца, як жывуць студэнты, што іх хвалюе. Сустрэча прайшла з удзелам прарэктара па бяспецы і кадрах Аляксея Бяззубіка, прарэктара па ідэалагічнай і выхаваўчай рабоце Васіля Сянько, начальніка ўпраўлення па ідэалагічнай і выхаваўчай рабоце з моладдзю Купалаўскага ўніверсітэта Аксаны Котавай і адміністрацыі інтэрната.
Студэнты змаглі задаць Ірыне Фёдараўне пытанні, якія тычацца жыллёвых умоў. Напрыклад, хлопчыкаў і дзяўчынак цікавіў рэжым працы прасцірачнай, функцыянаванне духовак і магчымасць арганізацыі зон рэкрэацыі. Таксама рэктар нагадала аб важных правілах жыцця ў інтэрнатах.
– Многіх пытанняў і праблем можна пазбегнуць, калі проста выконваць парадак. Вельмі важна вучыцца самастойнасці, самім уладкоўваць свой побыт, ствараць утульнасць. На сустрэчах я часта кажу: «Хочаце быць шчаслівымі? Будзьце!». Гэта можна сказаць і па-іншаму: «Хочаце жыць добра? Жывіце! А ўніверсітэт ва ўсім вам дапаможа». За вамі – выкананне правілаў інтэрната і падтрыманне парадку і чысціні, – падкрэсліла Ірына Фёдараўна.
Рэктар натхніла маладое пакаленне на асобасны рост, павагу да навакольных і сур'ёзнае стаўленне да агульных мэт. Бо менавіта ў жылым комплексе, дзе студэнты праводзяць значную частку свайго часу, фармуюцца не толькі прафесійныя навыкі, але і каштоўнасныя перакананні, якія будуць суправаджаць на працягу ўсяго жыцця.
Гродзенскі дзяржаўны ўніверсітэт імя Янкі Купалы