Сустрэча прайшла 9 лютага ў Нацыянальнай акадэміі навук Беларусі і сабрала больш за 400 удзельнікаў - студэнтаў выпускных курсаў вышэйшых навучальных устаноў краіны, якія праяўляюць цікавасць да навуковай дзейнасці, і маладых даследчыкаў. У іх ліку студэнты Гродзенскага дзяржаўнага ўніверсітэта імя Янкі Купалы.
З прывітальным словам да моладзі звярнулася кіраўніцтва НАН і РГА «Белая Русь». Удзельнікі даведаліся аб дзейнасці вядучай навуковай арганізацыі краіны. Пра шлях у навуку, пра тое, як дамагчыся поспехаў у навуковай сферы раказалі вядомыя навукоўцы, акадэмікі, кіраўнікі вядучых навуковых арганізацый Нацыянальнай акадэміі навук.
З тэндэнцыямі ў змене клімату студэнтаў і маладых навукоўцаў пазнаёміў акадэмік НАН Беларусі Уладзімір Логінаў, а члены Савета маладых навукоўцаў расказалі пра сваю дзейнасць і новыя праекты. У праграме сустрэчы таксама было знаёмства студэнтаў з працай навуковых інстытутаў і цэнтраў, якія ўваходзяць у структуру Акадэміі навук, музеяў НАН Беларусі, Цэнтральнага батанічнага саду і пастаянна дзеючай выставы «Дасягненні навукі - вытворчасці».
- Встреча поколений ученых прошла в Национальной академии наук Беларуси
- Мероприятие собрало более 400 участников, среди которых студенты ГрГУ имени Янки Купалы
- Студенты ГрГУ имени Янки Купалы приняли участие во встрече поколений ученых
- Участники встречи поколений ученых
- Студенты ГрГУ имени Янки Купалы – участники встречи поколений ученых в Минске
Гродзенскі дзяржаўны ўніверсітэт імя Янкі Купалы