Дадзеная канферэнцыя з'яўляецца адным са значных мерапрыемстваў, якія праводзяцца ў рамках Дзён навукі ў Гродзенскім дзяржаўным універсітэце імя Янкі Купалы. У гэтым годзе каля трохсот маладых навукоўцаў прадставілі даклады па шэрагу навуковых даследаванняў.
Сярод удзельнікаў студэнты, магістранты, аспіранты не толькі купалаўскага ўніверсітэта, але і Універсітэта ў Беластоку і Універсітэта прыродазнаўчых і гуманітарных навук ў Седльцах, а таксама навучэнцы гродзенскіх школ, гімназій, ліцэяў.
На пленарным пасяджэнні навуковага форуму тых, хто сабраўся павітала дэкан філалагічнага факультэта. Іна Лісоўская распавяла аб галоўных напрамках студэнцкай навукі на факультэце, пра магчымасці і перспектывы навукова-даследчай дзейнасці студэнтаў і выкладчыкаў.
На ўрачыстым адкрыцці канферэнцыі стала добрай традыцыяй віншаваць пераможцаў Рэспубліканскага конкурсу навуковых работ студэнтаў вышэйшых навучальных устаноў Рэспублікі Беларусь. Прыемна адзначыць, што па выніках 2016 года студэнты, магістранты і выпускнікі філалагічнага факультэта атрымалі рэкордную колькасць дыпломаў пераможцаў I, II і III ступеняў. Вышэйшага звання - лаўрэат конкурсу - была ўдастоена лабарант кафедры рускай філалогіі Алена Багдзевіч. Навуковы кіраўнік дзяўчыны - загадчык кафедры рускай філалогіі Таццяна Аўтуховіч.
На пленарным пасяджэнні з дакладам і прэзентацыяй дзейнасці студэнцкага навуковага гуртка кафедры англійскай філалогіі выступіла дацэнт кафедры Алена Шайко. Яна пазнаёміла прысутных з дзейнасцю СНК, навуковым кіраўніком якога з'яўляецца, адзначыла дасягненні удзельнікаў, падзялілася планамі сваіх падапечных, а таксама запрасіла ў члены гуртка ўсіх студэнтаў, якія жадаюць займацца навуковымі даследаваннямі.
Праца канферэнцыі працягнулася ў рамках секцыйных пасяджэнняў, круглых сталоў, метадычных гасціных, арганізаваных на базе факультэта і філіялаў кафедраў: у Гродзенскай гарадской гімназіі, сярэдняй школе № 28 г. Гродна і сярэдняй школе № 36 г. Гродна.
– Упершыню ў рамках навуковага форуму была арганізавана асобная секцыя замежных студэнтаў іншых факультэтаў. Тут замежныя студэнты і магістранты казалі аб аспектах валодання навуковым стылем, дачыненні да рэлігіі і веры, фразеалагізмах як сродку выразнасці мовы ў туркменскай і рускай мовах, іміджы Гродна вачыма замежнага студэнта, ролі міністра замежных спраў СССР, савецкага дыпламата, дзяржаўнага дзеяча Андрэя Андрэевіча Грамыкі ў гісторыі рускай і савецкай дыпламатыі, - распавялі на філалагічным факультэце. - Такая рознапланавасць абумоўлена спецыфікай навуковых інтарэсаў навучэнцаў, спецыяльнасцю атрымання вышэйшай адукацыі і ўзроўнем моўнай падрыхтоўкі.
Па выніках студэнцкай навуковай канферэнцыі «Навука - 2017» аўтарам лепшых дакладаў былі ўручаны дыпломы I, II і III ступеняў, а таксама дыпломы ўдзельнікаў канферэнцыі.
З усімі навінамі філалагічнага факультэта можна азнаёміцца тут.
Гродзенскі дзяржаўны ўніверсітэт імя Янкі Купалы