Пасаду заняў студэнт 2 курса факультэта гісторыі, камунікацыі і турызму Ягор Скепко. Абранне адбылося ў рамках першага паседжання Моладзевага парламента пры Гарадзенскім абласным Савеце дэпутатаў VII склікання, якое сабрала каля 200 чалавек.
Як адзначылі ў абласным Савеце дэпутатаў, з гэтага года парламент будзе складацца з дзвюх палат: вучнёўскай і студэнцкай і працуючай моладзі. Такое новаўвядзенне прынята для перадачы досведу, захавання пераемнасці. Гродзенская вобласць, дарэчы, першай увяла такую практыку: падобнай структуры на гэты момант няма ні ў адным рэгіёне Беларусі. Купалаўскі ўніверсітэт акрамя Ягора Скепко прадставіў студэнт 1 курса факультэта гісторыі камунікацыі і турызму Расціслаў Сіроцкі.
Таксама падчас паседжання сябры Маладзёжнага парламента прэзентавалі свае праекты і ініцыятывы на разнастайную тэматыку для рэалізацыі падчас тэрміну паўнамоцтваў. Напрыклад, праекты, прысвечаныя сацыяльнай абароне моладзі, развіццю валанцёрскага руху і прадпрымальніцтва, узмацненню грамадзянска-патрыятычнага духу, развіццю міжнароднага супрацоўніцтва і захаванню гісторыка-культурнай спадчыны прэзентавалі ў вучнёўскай палаце. Шырокае кола пытанняў закранула студэнцкая і працуючая моладзь. Яны датычыліся адукацыі і экалогіі, міжрэгіянальных адносін, прадпрымальніцтва, развіцця АПК.
Гродзенскі дзяржаўны ўніверсітэт імя Янкі Купалы