4 кастрычніка выкладчыкі юрыдычнага факультэта ГрДУ імя Янкі Купалы – дацэнт кафедры грамадзянскага права і працэсу Ірэна Кірвель і старшыя выкладчыкі кафедры Барыс Балахонаў і Аляксандра Вартанава – выступілі з дакладамі на Міжнароднай навукова-практычнай канферэнцыі «Тэарэтыка-прыкладныя аспекты абароны правоў удзельнікаў цывілістычных праваадносін».
Удзельнікамі форуму сталі больш за 50 выкладчыкаў з Беларусі і Расіі. У ходзе канферэнцыі адбыўся разгляд пытанняў дзейснасці ахоўных норм працоўнага права, калектыўна-дагаворнага рэгулявання звышурочнай работы, гарантый правоў наймальнікаў пры заключэнні дагавора, гісторыі станаўлення інстытута групавых іскаў, рэалізацыі прынцыпу даступнасці правасуддзя на стадыі разгляду судовай спрэчкі.
Гэтая навукова-практычная канферэнцыя стала пляцоўкай для абмену досведам, абмеркавання апошніх тэндэнцый у галіне грамадзянскага права і працэсу, а таксама для паглыбленага аналізу пытанняў абароны правоў удзельнікаў цывілістычных праваадносін. Удзельнікі і слухачы атрымалі каштоўныя веды, якія дапамогуць ім у далейшых даследаваннях і практычнай дзейнасці ў сферы юрыспрудэнцыі.
Мерапрыемства было прысвечана 50-годдзю кафедры грамадзянскага працэсу і працоўнага права Беларускага дзяржаўнага ўніверсітэта, з якой у кафедры грамадзянскага права і працэсу ГрДУ імя Янкі Купалы наладжаны цесныя партнёрскія сувязі ў навуковай, навучальнай і іншых сферах. Гродзенскія калегі павіншавалі кафедру БДУ з юбілеем, пажадалі далейшага актыўнага развіцця і працвітання.
Гродзенскі дзяржаўны ўніверсітэт імя Янкі Купалы