24 снежня на стадыёне Купалаўскага ўніверсітэта, размешчанага па адрасе: вул. Захарава, 32, адбудзецца доўгачаканая падзея – «Навагодні забег 2025». Гэтае свята спорту і весялосці збярэ ўсіх аматараў актыўнага адпачынку і Новага года.
Адкрыццё забегу пачнецца ў 11.00 у манежы стадыёна, дзе ўсіх удзельнікаў і гледачоў чакае святочная атмасфера. Арганізатары падрыхтавалі мноства сюрпрызаў і цікавых актыўнасцей, якія дазволяць зарадзіцца пазітывам перад пачаткам спаборніцтваў.
Удзельнікі змогуць паспрабаваць свае сілы ў розных дыстанцыях, якія падыдуць як вопытным бегунам, так і навічкам. Кожны забег – гэта не толькі магчымасць праявіць свае здольнасці, але і выдатны шанец пагутарыць з аднадумцамі.
Галоўная ўмова ўдзелу – наяўнасць навагодняй атрыбутыкі і добры настрой. Удзельнікі могуць прыйсці ў святочных касцюмах, са святочнымі аксесуарамі ці нават у касцюмах Дзеда Мароза і Снягуркі.
Памятайце: добры настрой, навагодняя атрыбутыка і жаданне ўдзельнічаць - гэта ўсё, што вам трэба, каб стаць часткай гэтага захапляльнага свята!
Гродзенскі дзяржаўны ўніверсітэт імя Янкі Купалы