Дыялогавая пляцоўка была прымеркавана да Дня яднання народаў Беларусі і Расіі. Да абмеркавання былі запрошаны студэнты ўсіх курсаў і факультэтаў Гродзенскага дзяржаўнага ўніверсітэта імя Янкі Купалы.
Мадэратарам сустрэчы выступіў загадчык кафедры паліталогіі і сацыялогіі, прафесар, доктар палітычных навук Віктар Ватыль. У рамках дыскусійнага форуму адбыліся выступленні спікераў.
Загадчык кафедры ўсеагульнай і славянскай гісторыі Юлія Ярмак гаварыла аб Саюзнай дзяржаве ў гістарычнай рэтраспектыве. Тэму ўцягвання моладзі ў працэс будаўніцтва Саюзнай дзяржавы і пытанні дзейнасці Маладзёжнай палаты пры Парламенцкім сходзе Саюза Беларусі і Расіі ўзняла Ларыса Цыганкова, дацэнт кафедры паліталогіі і сацыялогіі. Аляксандр Арлукевіч, намеснік дэкана па ідэалагічнай і выхаваўчай рабоце факультэта псіхалогіі, выступіў на тэму «Саюзная дзяржава: дасягненні і перспектывы».
Такія мерапрыемствы адыгрываюць важную ролю ў фарміраванні разумення моладдзю значнасці супрацоўніцтва паміж Беларуссю і Расіяй і ўключэнні іх у працэс развіцця Саюзнай дзяржавы.
Гродзенскі дзяржаўны ўніверсітэт імя Янкі Купалы