Школа разлічана на школьнікаў 9-11 класаў, якія цікавяцца псіхалогіяй. Кіруе гэтай структурай старшы выкладчык кафедры эксперыментальнай і прыкладной псіхалогіі факультэта псіхалогіі ГрДУ імя Янкі Купалы Ганна Хаменя.
– Навучэнцы Школы юнага псіхолага атрымліваюць уяўленне аб гісторыі псіхалогіі, аб яе сучасным стане, пра тое, што вывучаецца на факультэце псіхалогіі. Дарэчы, знаходжанню агульнай мовы паміж незнаёмымі хлопцамі і дзяўчатамі розных узростаў дапамагае тое, што заняткі праводзяцца ў дыскусійна-гульнявой форме, - падзялілася Ганна Хаменя. - Заняткі могуць дапамагчы лепш пазнаць сябе і знайсці новых сяброў на доўгія гады. За год навучання дзеці авалодваюць неабходнымі ведамі і практычнымі навыкамі ў галіне розных псіхалагічных напрамкаў. У канцы навучання вучні могуць прыняць абгрунтаванае рашэнне аб тым, ці варта ім паступаць на факультэт псіхалогіі ці ж ім больш цікавая іншая навука.
Першыя сустрэчы Школы юнага псіхолага былі прысвечаны пытанням каштоўнасцяў, інтарэсаў, мэтаў асобы. Гэта, на думку Ганны Васільеўны, дазволіла навучэнцам сфармаваць агульнае ўяўленне пра каштоўнасці як псіхалагічным феномене, усвядоміць ўласныя прыярытэты ў адносінах.
– У студзені гэтага года вучні абмеркавалі і ўдакладнілі свае ўяўленні аб каштоўных рысах характару ў сабе і іншых людзях, развівалі ўмення абгрунтоўваць і абараняць асабістыя перакананні. На адной з сустрэч хлопцы праводзілі аналіз жаданняў і інтарэсаў як асновы сістэмы каштоўнасцяў асобы, - расказала кіраўнік школы.
У лютым у Школе юнага псіхолага стартавала новая тэма «Школа і вучэбная дзейнасць», у рамках якой школьнікі атрымліваюць веды аб здольнасцях, уменнях і навыках, спосабах эфектыўнага навучання, а таксама разглядаюць праблемы самаацэнкі асобы і развіцця адказных паводзін.
З усімі навінамі факультэта псіхалогіі можна азнаёміцца тут.
Гродзенскі дзяржаўны ўніверсітэт імя Янкі Купалы