У новы склад Каардынацыйнага студэнцкага савета ўвайшлі 14 старшыняў Студэнцкіх саветаў факультэтаў, 2 старшыні вучнёўскага самакіравання Тэхналагічнага і Гуманітарнага каледжаў, а таксама прадстаўнікі моладзевых арганізацый ГрДУ імя Янкі Купалы.
Прадстаўнікі новага Каардынацыйнага студэнцкага савета былі абраныя на справаздачна-выбарчай канферэнцыі студэнцкага самакіравання Гродзенскага дзяржаўнага ўніверсітэта імя Янкі Купалы, на якой прысутнічалі 138 дэлегатаў ад факультэтаў і грамадскіх арганізацый студэнтаў купалаўскага ўніверсітэта і навучэнцаў каледжаў.
Ад імя рэктара ГрДУ імя Янкі Купалы удзельнікаў канферэнцыі павітала начальнік Упраўлення выхаваўчай работы з моладдзю Аксана Котава. Аксана Віктараўна пажадала дзецям плённай працы і актыўнага абмеркавання пытанняў канферэнцыі. Акрамя таго, яна падкрэсліла, што ад гэтага выбару і рашэння залежыць не толькі лёс студэнцкага самакіравання, але і тое, як будзе развівацца студэнцкая жыццё ў нашым універсітэце ў бліжэйшыя гады.
Сённяшняе мерапрыемства завяршыла вялікі выбарчы марафон: выбары студэнцкага актыву і вылучэнне дэлегатаў канферэнцыі праходзілі ў студэнцкіх групах факультэтаў на працягу сакавіка, красавіка і траўня цяперашняга года.
Акрамя пытання выбару новага складу Каардынацыйнага студэнцкага савета на 2018-2020 гады на парадку канферэнцыі была справаздача аб рабоце студэнцкага савета за перыяд з 2016 па 2018 гады. Вынікі працы прадставіла ў сваім дакладзе старшыня савета, студэнтка 4 курса педагагічнага факультэта Яна Мілюк. Пра тое, як савет працаваў у напрамку развіцця студэнцкай навукі, распавяла студэнтка 2 курса факультэта гісторыі камунікацыі і турызму Анастасія Галанцова, а студэнтка 4 курса факультэта матэматыкі і інфарматыкі, старшыня Савета валанцёраў прадставіла справаздачу аб валанцёрскай дзейнасці.
Новага старшыню Каардынацыйнага студэнцкага савета, намесніка старшыні і сакратара зацверджанаму складу савета трэба будзе выбраць да 10 чэрвеня 2018 года.
Гродзенскі дзяржаўны ўніверсітэт імя Янкі Купалы