Размову ў фармаце адкрытага дыялогу прайшоў са студэнцкім актывам факультэтаў 10 сакавіка.
Сустрэчы рэктара універсітэта Ірыны Кітурка стартавалі ў пачатку сакавіка і ўжо прайшлі з прадстаўнікамі факультэта мастацтваў і дызайну, факультэта матэматыкі і інфарматыкі, філалагічнага факультэта, а таксама са студэнцкім актывам юрыдычнага факультэта і факультэта біялогіі і экалогіі.
У падчас сустрэчы 10 сакавіка Ірына Фёдараўна нагадала купалаўцам аб тым, што ўніверсітэт заўсёды падтрымлівае ініцыятывы студэнтаў і аказвае падтрымку ў рэалізацыі праектаў і арганізацыі ўдзелу ў розных конкурсах, спаборніцтвах і канферэнцыях, і адзначыла, што гэтымі магчымасцямі варта абавязкова карыстацца - для гэтага ў ГрДУ імя Янкі Купалы створаны і функцыянуюць Фонд падтрымкі адоранай і таленавітай моладзі і Фонд інавацыйнага развіцця ўніверсітэта.
Дарэчы, студэнты папрасілі садзейнічання рэктара ўніверсітэта ў аснашчэнні адной з аўдыторый педагагічнага факультэта спецыяльным абсталяваннем для правядзення відэаканферэнцый. Ірына Фёдараўна падкрэсліла, што пытанне будзе вырашана да канца бягучага года.
На працягу сустрэчы былі закрануты пытанні медыцынскага абслугоўвання студэнтаў, працэсу размеркавання месцаў у новым інтэрнаце, прэміравання студэнтаў за перамогі ў спартыўных спаборніцтвах і ўдзелу ў розных відах онлайн-тэсціраванні.
Варта адзначыць, што студэнты не толькі задавалі пытанні, але і ўносілі свае прапановы - так, напрыклад, яны тычыліся паляпшэння мабільнага дадатку, павышэння хуткасці інтэрнэту wi-fi ў навучальным корпусе па вуліцы Захарава, а таксама аптымізацыі культурна-масавых мерапрыемстваў для студэнтаў факультэта фізічнай культуры.
Хвалявала купалаўцаў і пытанне павелічэння кошту навучання для студэнтаў платнай формы атрымання адукацыі - павышэнне да 10% ад існуючага кошту анансавалі ўсе вядучыя ўстановы вышэйшай адукацыі ў краіне. Ірына Фёдараўна адзначыла, што Купалаўскі ўніверсітэт таксама будзе вымушаны змяніць кошт навучання - з 1 красавіка 2020 года, у залежнасці ад спецыяльнасці, яе плануецца павялічыць, але не больш, чым на 7%.
У завяршэнні мерапрыемства Ірына Кітурка падзякавала студэнтам за цёплы дыялог і шчырыя ўсмешкі, а таксама нагадала пра магчымасць у любы момант задаць пытанне, якое цікавіць, рэктару онлайн на сайце ў форме «Задаць пытанне рэктару».
Сустрэчы рэктара ўніверсітэта Ірыны Кітурка са студэнтамі працягнуцца да канца гэтага тыдня. Заўтра, 11 сакавіка, адкрыты дыялог адбудзецца са студэнцкім актывам факультэта інавацыйных тэхналогій машынабудавання, інжынерна-будаўнічага і фізіка-тэхнічнага факультэтаў. 13 сакавіка сустрэча пройдзе са студэнтамі факультэта эканомікі і кіравання, факультэта псіхалогіі і са студэнцкім актывам інтэрната №5.
Гродзенскі дзяржаўны ўніверсітэт імя Янкі Купалы