Абітурыенты ГрДУ імя Янкі Купалы падаць дакументы і даведацца аб залічэнні змогуць у рэжыме онлайн.
Каб падаць дакументы ў прыёмную камісію абітурыенту неабходна зарэгістравацца на сайце abit.by, дзе аўтаматычна будзе створаны яго асабісты кабінет. У ім у любы зручны час можна запоўніць анкету абітурыента і загрузіць фатаграфію для студэнцкага білета. Сэрвіс дазваляе прымацаваць электронныя копіі неабходных для паступлення дакументаў, дасягненні і бал атэстата. Атрымаўшы сертыфікаты ЦТ, абітурыенту застанецца толькі ўнесці вынікі ў анкету.
Пасля праходжання працэдуры праверкі дакументаў прыёмнай камісіяй, абітурыент атрымлівае магчымасць раздрукаваць заяву, дагаворы на падрыхтоўку і копіі дакументаў неабходных для фарміравання асабістай справы. Папярэдне зарэгістраваўшыся ў электроннай чаргі на зручны час, абітурыенту неабходна будзе асабіста падаць арыгіналы дакументаў у прыёмную камісію ГрДУ імя Янкі Купалы ў перыяд з 25 ліпеня па 31 ліпеня на бюджэтную форму і з 25 ліпеня па 15 жніўня на платную форму навучання. Вынікі ўступных выпрабаванняў і конкурсная сітуацыя ў рэжыме рэальнага часу будуць адлюстраваны ў асабістым кабінеце абітурыента.
Сэрвіс «Лічбавая прыёмная камісія», у стварэнні якога прынялі ўдзел супрацоўнікі і студэнты ўніверсітэта, прадастаўляе абітурыенту шырокія магчымасці не проста падаць дакументы ў прыёмную камісію для папярэдняга вывучэння, але і атрымаць кансультацыі спецыялістаў, азнаёміцца з усімі спецыяльнасцямі Купалаўскага універсітэта і выбраць сваю па сертыфікатах ЦТ . На платформе абітурыент зможа ў рэжыме онлайн пагутарыць з дэканамі і студэнтамі факультэтаў, у рамках віртуальнай экскурсіі - наведаць корпуса і факультэты універсітэта, убачыць будаўніцтва новага інтэрната, а таксама сачыць за рухам дакументаў
Варта адзначыць, што прыёмная камісія ў Гродзенскім дзяржаўным універсітэце імя Янкі Купалы ў віртуальнай прасторы працуе ўжо не першы год. На працягу апошніх гадоў у ГрДУ імя Янкі Купалы залічэнне студэнтаў праходзіць у электронным выглядзе: абітурыент бачыць вынік у асабістым кабінеце ў рэжыме рэальнага часу.
Пасля залічэння ў віртуальнай прасторы ўніверсітэта ў кожнага першакурсніка з'яўляецца свой асабісты кабінет з усёй неабходнай і актуальнай інфармацыяй: доступ да адукацыйнага парталу, вучэбных матэрыялаў па вывучаемых прадметах, паслугах ГрДУ імя Янкі Купалы, а таксама магчымасць фарміравання лічбавага партфоліо для будучага працаўладкавання.
Гродзенскі дзяржаўны ўніверсітэт імя Янкі Купалы