Адукацыйная праграма «Універсітэт адукацыйных інавацый: інавацыйныя метады навучання» стартавала ва ўніверсітэце на рускай і англійскай мовах.
Яе ўдзельнікамі сталі 30 выкладчыкаў 13 факультэтаў ГрДУ імя Янкі Купалы. Праграма курсаў уключае два навучальныя модулі. Першы прысвечаны відэа як інструменту навучання для выкладчыкаў і студэнтаў, другі - платформе Microsoft Teams і яе інтэрактыўным магчымасцям. Слухачы курсаў атрымаюць інфармацыю пра актуальныя фарматы навучальнага відэа, стануць удзельнікамі майстар-класа па асновах сцэнічнай мовы, навучацца распрацоўваць відэасцэнарыі, запішуць промаролік па адной з дысцыплін, асвояць метадычныя прыёмы выкарыстання відэакантэнту ў вучэбнай дзейнасці. У ходзе курсаў адбудзецца знаёмства слухачоў з навінкай кампаніі Microsoft - платформай Teams, якая дазваляе арганізоўваць чаты і відэасустрэчы, падае доступ да хмарнага сховішча файлаў, дапамагае планаваць і ажыццяўляць сумесную працу студэнтаў, ацэньваць выніковасць выкананых заданняў.
У прывітальным слове начальнік вучэбна-метадычнага ўпраўлення Марына Калацэй адзначыла, што праграма курсаў унікальная па наборы прапанаваных лічбавых кампетэнцый, формаў узаемадзеяння слухачоў курсаў, складу мадэратараў.
- Нягледзячы на выкарыстанне навучальнага відэа, дыдактычных патрабаванняў да відэа як адной з перспектыўных формаў трансляцыі адукацыйнай інфармацыі, у тым ліку для рэалізацыі дыстанцыйнага навучання, разгляду пытання распрацоўкі ўніверсальнай тэхналогіі стварэння навучальнага відэакантэнту надаецца недастатковая ўвага, а эфектыўнасці і якасці ўздзеяння навучальнага відэа на студэнтаў - яшчэ менш, - падкрэсліла Марына Яцэкаўна. - Прафесійным вопытам са слухачамі курсаў падзеляцца спецыялісты-практыкі, у англамоўнай групе будзе апрабаваная методыка бінарнага навучання слухачоў, а аргдзейнасны характар заняткаў дазволіць слухачам стварыць відэаролікі па вучэбных дысцыплінах, якія ў далейшым з'явяцца на адукацыйным партале.
Распрацоўшчыкам адукацыйнай праграмы і каардынатарам курсаў выступіў загадчык лабараторыі адукацыйных інавацый Алег Каляга, а ў каманду мадэратараў увайшлі выкладчыкі ўніверсітэта і спецыялісты-практыкі. У рамках першага навучальнага модулю «Відэа як інструмент навучання для выкладчыкаў і студэнтаў» са слухачамі курсаў будуць працаваць загадчык кафедры замежных моў Святлана Ганчар, старшы выкладчык кафедры журналістыкі, актрыса Гродзенскага абласнога тэатра лялек Людміла Паўлоўская, вядучы спецыяліст аддзела электронных камунікацый Цэнтра па сувязях з грамадскасцю Наталля Піткевіч, старшы выкладчык кафедры грамадзянскага права і працэсу, вядучы Гродзенскага абласнога тэлебачання Барыс Балахонаў, вядучы спецыяліст вучэбна-навукова-вытворчага аб'яднання «Студэнцкі медыяцэнтр» Максім Пархамчук, старшы выкладчык кафедры замежных моў Алена Буцько. Вопытам выкарыстання платформы Microsoft Teams падзеляцца намеснік дэкана факультэта матэматыкі і інфарматыкі, дацэнт кафедры матэматычнага аналізу, дыферэнцыяльных раўнанняў і алгебры Таццяна Ванькова, а таксама выкладчык кафедры сістэмнага праграмавання і камп'ютарнай бяспекі Вікторыя Мядзведзева.
Курсы «Універсітэт адукацыйных інавацый: інавацыйныя метады навучання» пройдуць у Купалаўскім універсітэце да 5 сакавіка. У рускамоўнай групе заняткі будуць праходзіць па панядзелках, у англамоўнай - па чацвяргах.
Гродзенскі дзяржаўны ўніверсітэт імя Янкі Купалы