У конкурсе, прысвечаным 76-й гадавіне Перамогі ў Вялікай Айчыннай вайне, прынялі ўдзел супрацоўнікі, выкладчыкі і студэнты ўстаноў вышэйшай адукацыі краіны.
Напярэдадні свята Вялікай Перамогі былі абвешчаныя пераможцы ў дзевяці намінацыях. Так, выкладчыкі кафедры англійскай філалогіі ГрДУ імя Янкі Купалы Таццяна Фундатар, Анастасія Дудзько, Святлана Дашкевіч і Вольга Будзеніс перамаглі ў намінацыі «Лепшы паэтычны праект». Студэнтка 1 курса філалагічнага факультэта Купалаўскага ўніверсітэта Маргарыта Сінкевіч атрымала перамогу ў намінацыі «Самае інфарматыўнае відэа». І ў намінацыі «Самае прафесійнае відэа» лепшымі аказаліся супрацоўнікі вучэбнай тэлестудыі ГрДУ імя Янкі Купалы Назар Халько і Яўген Шостакевіч.
Конкурс праходзіў у завочным фармаце. Аўтары відэаролікаў дэкламавалі вершы пра вайну, чыталі прозу, спявалі песні і прадстаўлялі на суд журы відэа драматургічных пастановак. Арганізатарам конкурсу відэапраектаў «Давайце памятаць пра вайну ...» выступіла кафедра мовазнаўства філалагічнага факультэта Беларускага дзяржаўнага ўніверсітэта.
Гродзенскі дзяржаўны ўніверсітэт імя Янкі Купалы