Унутраныя ўступныя выпрабаванні ў Купалаўскім універсітэце праводзяцца згодна з раскладам ў перыяд з 27 ліпеня па 4 жніўня, інфармацыя пра дату і час яўкі абітурыента на экзамен прадстаўлена ў яго Лічбавым кабінеце.
У 2021 годзе ў ГрДУ імя Янкі Купалы ўпершыню адкрыта падрыхтоўка студэнтаў па спецыяльнасцях "Электрычны і аўтаномны транспарт" інавацыйных тэхналогій машынабудавання, а таксама "Сацыяльная і псіхолага-педагагічная дапамога" педагагічнага факультэта.
Акрамя таго, у бягучым годзе ўпершыню ГрДУ імя Янкі Купалы ажыццяўляе набор па спецыяльнасці «Лагапедыя» у завочнай скарочанай форме атрымання адукацыі, на якую могуць паступаць выпускнікі, якія маюць сярэднюю спецыяльную адукацыю па спецыяльнасцях «Дашкольная адукацыя» і «Пачатковая адукацыя» са спецыялізацыяй "Лагапедыя". Дарэчы, паступіць на спецыяльнасць «Лагапедыя» у завочнай скарочанай форме абітурыенты 2021 года могуць толькі ў Купалаўскім універсітэце.
З 2021 года пашырыўся і пералік спецыяльнасцяў дыстанцыйнай формы атрымання адукацыі. Ён папоўніцца яшчэ адной спецыяльнасцю - «правазнаўства» ў завочнай поўнай форме навучання.
У цяперашні час скончыліся ўступныя выпрабаванні для абітурыентаў спецыяльнасцяў «Фінансы і крэдыт», «Прамысловае і грамадзянскае будаўніцтва», «Лагапедыя», «Спартыўна-педагагічная дзейнасць (трэнерская праца з указаннем віду спорту)», «Дызайн (па напрамках)», «Фізічная культура», «Журналістыка», «Народная творчасць (інструментальная музыка)», «Музычнае мастацтва і сусветная мастацкая літаратура» і інш.
4 жніўня абітурыенты ГрДУ імя Янкі Купалы завершаць праходжанне унутраных уступных выпрабаванняў. З вынікамі выпрабаванняў кожны абітурыент можа азнаёміцца ў сваім Лічбавым кабінеце абітурыента.
Залічэнне абітурыентаў у лік студэнтаў вочнай (дзённай) і завочнай форм атрымання вышэйшай адукацыі I ступені па спецыяльнасцях (групах спецыяльнасцей) за кошт сродкаў рэспубліканскага бюджэту па выніках уступных выпрабаванняў пройдзе 5 жніўня.
Нагадваем, што ў абітурыентаў яшчэ ёсць магчымасць стаць студэнтамі Гродзенскага дзяржаўнага ўніверсітэта імя Янкі Купалы: да 9 жніўня ўключна (1 і 8 жніўня - выходныя дні) працягваецца прыём дакументаў на ўсе формы атрымання вышэйшай адукацыі на платнай аснове, у тым ліку для атрымання другой вышэйшай адукацыі (акрамя спецыяльнасцяў, на якія неабходна здаваць уступныя іспыты ў ГрДУ імя Янкі Купалы).
Гродзенскі дзяржаўны ўніверсітэт імя Янкі Купалы