Сёння ў Купалаўскім універсітэце працавала камісія па пацвярджэнні Прэміі Урада Рэспублікі Беларусь. Да гэтага яе члены азнаёміліся з дасягненнямі ўніверсітэта завочна, па прыездзе яны змаглі на свае вочы ўбачыць усё, пра што гаварылася ў пісьмовым выглядзе.
Праца камісіі пачалася з даклада Ірыны Кітуркі, рэктара дзяржаўнага ўніверсітэта імя Янкі Купалы, у якім яна ў сцісла распавяла пра найважнейшыя дасягненні ўстановы адукацыі. Таксама рэктар павітала гасцей і адзначыла, што рада зноў прыняць у сценах універсітэта членаў камісіі.
Прэмія Урада Рэспублікі Беларусь за дасягненні ў галіне якасці пацвярджаецца кожныя тры гады. За гэты прамежак установа павінна не проста захаваць ранейшы ўзровень развіцця, але перабольшыць яе, нарасціць магутнасці, што паспяхова зрабіў Гродзенскі дзяржаўны ўніверсітэт імя Янкі Купалы.
Прэмія Урада Рэспублікі Беларусь за дасягненні ў галіне якасці заснавана з мэтай стымулявання арганізацый, якія дабіліся значных поспехаў у галіне якасці прадукцыі, работ і паслуг, а таксама ўкаранілі высокаэфектыўныя метады кіравання якасцю.
- Купалаўскі ўніверсітэт стаў адной з першых устаноў вышэйшай адукацыі, якія прынялі ўдзел у конкурсе на Прэмію Урада ў галіне якасці яшчэ ў далёкім 2010 годзе. З таго часу ваш універсітэт годна пацвярджае права валодаць ёй, - расказала намеснік начальніка галоўнага ўпраўлення прафесійнай адукацыі - начальнік упраўлення вышэйшай адукацыі Міністэрства адукацыі Рэспублікі Беларусь Алена Ліпа.
Мадэль Прэміі Урада Рэспублікі Беларусь за дасягненні ў галіне якасці ўключае дзевяць крытэрыяў, пяць з якіх характарызуюць магчымасці арганізацыі ў галіне якасці, астатнія чатыры - канкрэтныя вынікі дзейнасці за бягучы год і апошнія тры гады. Змест крытэрыяў адлюстроўвае ключавыя напрамкі дзейнасці арганізацыі, якія павінны быць ахоплены эфектыўнай сістэмай кіравання.
- Крытэрыі распрацаваны на аснове дакумента міжнароднага ўзроўню, у якім прапісаны характарыстыкі ідэальнай арганізацыі. І калі ўніверсітэт праходзіць суісканне на пацвярджэнне Прэміі ўрада, ён імкнецца не проста да дасягненняў, але і да той самай ідэальнай мадэлі, – распавёў прарэктар па вучэбнай працы ГрДУ імя Янкі Купалы Юрый Бялых.
Купалаўскі ўніверсітэт быў упершыню ўдастоены Прэміі Урада Рэспублікі Беларусь за дасягненні ў галіне якасці ў 2010 годзе, затым у 2015 і 2018 – пацвердзіў званне лаўрэата гэтага конкурсу.
Гродзенскі дзяржаўны ўніверсітэт імя Янкі Купалы