У працы знешняй экспертнай камісіі Незалежнага агенцтва акрэдытацыі і рэйтынгу па правядзенні акрэдытацыі Казахскага нацыянальнага ўніверсітэта імя Аль-Фарабі ў якасці замежных экспертаў выступілі прарэктар па вучэбнай працы Юрый Белых і дэкан юрыдычнага факультэта Святлана Чабуранава.
Міжнародная акрэдытацыя праводзіцца з мэтай адзнакі адпаведнасці адукацыйных праграм міжнародным і еўрапейскім стандартам якасці. Працу камісіі курыруе Незалежнае агенцтва акрэдытацыі і рэйтынгу (НААР), з якім ГрДУ імя Янкі Купалы наладзіў цеснае супрацоўніцтва.
Адзначым, што спецыялісты Купалаўскага ўніверсітэта не першы раз удзельнічаюць у падобных мерапрыемствах - больш за дзесяць купалаўцаў выступалі экспертамі па міжнароднай акрэдытацыі. Падчас працы супрацоўнікі ўніверсітэта набываюць каштоўныя веды ў рамках міжнародных сістэм ацэнкі якасці адукацыі і пасля ўкараняюць назапашаны вопыт у сістэму кіравання ўніверсітэтам.
Так, у якасці экспертаў у камісіі па правядзенні міжнароднай акрэдытацыі неаднаразова выступалі загадчык кафедры міжнароднага бізнесу і маркетынгу Лі Чон Ку, загадчык кафедры электратэхнікі і электронікі Андрэй Герман.
Гродзенскі дзяржаўны ўніверсітэт імя Янкі Купалы