Да дыялогу, які адбыўся 27 студзеня, былі запрошаны супрацоўнікі факультэта гісторыі, камунікацыі і турызму, у тым ліку адміністрацыя, загадчыкі кафедраў, прафесарска-выкладчыцкі склад. На сустрэчы прысутнічаў прарэктар па выхаваўчай рабоце ГрДУ імя Янкі Купалы Васілій Сянько.
Дэкан факультэта Віктар Белазаровіч адкрыў сустрэчу, звярнуўшы ўвагу прысутных на тое, што ў святле надыходзячага Рэферэндуму трэба яшчэ раз уважліва ўчытацца ў тэкст праекта новай Канстытуцыі краіны.
Дацэнт кафедры гісторыі Беларусі, археалогіі і спецыяльных гістарычных дысцыплін Аляксандр Горны расказаў аб тым, як фарміраваўся вопыт падрыхтоўкі Канстытуцый у Рэспубліцы Беларусь, у блізкім і далёкім замежжы.
Загадчык кафедры сацыялогіі і спецыяльных сацыялагічных дысцыплін Аксана Гаўрылік у сваім дакладзе звярнулася да змяненняў і дапаўненняў, якія ўнесены ў новы праект Канстытуцыі, да тых пытанняў, на якія трэба звярнуць асаблівую ўвагу студэнцкай моладзі падчас дыялогавых пляцовак, якія адбудуцца на факультэце ўжо ў лютым.
Дацэнт кафедры ўсеагульнай гісторыі Наталля Улейчык падчас свайго выступлення падрабязна расказала пра новую главу Канстытуцыі, у якой вызначаецца статус і паўнамоцтвы Усебеларускага народнага сходу.
Рэзюмуючы працу пляцоўкі, прарэктар па выхаваўчай працы Васілій Сянько падкрэсліў, што для кожнага беларуса вельмі важна прыняць удзел у рэспубліканскім рэферэндуме, заклікаў прафесарска-выкладчыцкі склад факультэта быць прыкладам для студэнцкай моладзі. Васілій Васільевіч запрасіў прысутных да асэнсавання новага праекта Канстытуцыі, змен, якія будуць садзейнічаць далейшаму развіццю беларускага грамадства, а таксама захаванню нацыянальнай самабытнасці, традыцыйных каштоўнасцяў народа і ўмацаванню сацыяльных гарантый.
Гродзенскі дзяржаўны ўніверсітэт імя Янкі Купалы