З першага сакавіка ўсе ахвочыя маглі зарэгістравацца на рэпетыцыйнае тэсціраванне, а сёння школьнікі ўжо будуць здаваць першыя тэсты і змогуць паспрабаваць свае сілы.
Рэпетыцыйнае тэсціраванне дапамагае будучым абітурыентам пазнаёміцца з бланкамі, сістэмай запаўнення асабістых даных і адказаў на пытанні. На рэпетыцыйным тэсціраванні неабходна мець пры сабе раздрукаваны пропуск, пашпарт і чорную гелевую ручку. На РТ па фізіцы і хіміі дазволена карыстацца калькулятарам.
Нагадваем, што Міністэрства адукацыі зацвердзіла спецыфікацыі тэстаў па вучэбных прадметах для правядзення цэнтралізаванага тэсціравання ў 2022 годзе. Па вучэбных прадметах "Фізіка" і "Матэматыка" час выканання тэстаў складае 210 хвілін - замест 180 хвілін. Змены ўвялі ўжо на другім этапе РТ.
Свежую і актуальную інфармацыю аб цэнтралізаваным і рэпетыцыйным тэсціраваннях можна адсочваць на сайце давузаўскай падрыхтоўкі.
Гродзенскі дзяржаўны ўніверсітэт імя Янкі Купалы