З 28 сакавіка па 1 красавіка 2022 г. праходзіў заключны этап рэспубліканскай алімпіяды школьнікаў па вучэбных прадметах. Каманда Гродзенскай вобласці на рэспубліканскай алімпіядзе па матэматыцы атрымала 8 дыпломаў. Два з іх заваявалі слухачы падрыхтоўчых курсаў «Алімп-прэміюм» Купалаўскага ўніверсітэта.
Дыпломам І ступені ўзнагароджаны Дзяніс Магілявец, навучэнец 10 класа ДУА «Гімназіі № 1 імя Я.Ф. Карскага г. Гродна». Дыпломам III ступені ўзнагароджана Алена Вярцінская, навучэнка 10 класа ДУА "Гімназія № 3 г. Гродна".
Рабят рыхтавалі да заключнага этапу загадчык кафедры сучасных тэхналогій даўніверсітэцкай адукацыі Ірына Карлюкова, старшы выкладчык кафедры сучасных тэхналогій даўніверсітэцкай адукацыі Аляксандр Арбузаў, аспірант факультэта матэматыкі і інфарматыкі Наталля Казлоўская.
Віншуем пераможцаў! Жадаем далейшых поспехаў!
Гродзенскі дзяржаўны ўніверсітэт імя Янкі Купалы