VII міжнародная навукова-практычная канферэнцыя маладых вучоных, аспірантаў і магістрантаў "Абарона працоўных правоў грамадзян", арганізатарамі якой выступілі Гродзенскі дзяржаўны ўніверсітэт імя Янкі Купалы і Саратаўская дзяржаўная юрыдычная акадэмія (СДЮА), адбылася 27 красавіка 2022 г .
З прывітальным словам да ўдзельнікаў маладзёжнага форуму звярнуўся прарэктар па навуковай рабоце ГрДУ імя Янкі Купалы Андрэй Праневіч, які вызначыў праблемнае поле навуковага мерапрыемства і пажадаў плённай работы. На канферэнцыі былі разгледжаны актуальныя праблемы судовай абароны працоўных правоў грамадзян, асаблівасці медыяцыі ў працоўных адносінах, а таксама пытанні прызнання забастоўкі несапраўднай, адмены дысцыплінарнага спагнання; кампенсацыі ўрону, прычыненага наймальніку або работніку пры выкананні працоўных абавязкаў і іншыя.
Усяго для ўдзелу ў канферэнцыі паступіла 58 заявак, з пленарнымі дакладамі выступіла 14 маладых вучоных з дзвюх краін, астатнія даклады прагучалі ў рамках двух секцыйных пасяджэнняў.
Мадэратарамі анлайн-пляцоўкі выступілі загадчык кафедры грамадзянскага працэсу СДЮА доктар юрыдычных навук Аксана Ісаенкава і загадчык кафедры грамадзянскага права і працэсу доктар юрыдычных навук Ігар Мартыненка, якія забяспечылі высокі ўзровень навуковага мерапрыемства.
Гродзенскі дзяржаўны ўніверсітэт імя Янкі Купалы