Па традыцыі на пасяджэнні Савета ўніверсітэта ўшаноўвалі супрацоўнікаў і студэнтаў, якія дасягнулі поспехаў у вучэбнай, навуковай і выхаваўчай дзейнасці.
Рэктар Гродзенскага дзяржаўнага ўніверсітэта імя Янкі Купалы Ірына Кітурка павіншавала купалаўцаў з прысуджэннем вучоных ступеняў. Прэзідыум Вышэйшай атэстацыйнай камісіі Рэспублікі Беларусь зацвердзіў рашэнне савета па абароне дысертацый аб прысуджэнні вучонай ступені кандыдата эканамічных навук Наталлі Юргель, старшаму выкладчыку кафедры сучасных тэхналогій адукацыі дарослых Інстытута павышэння кваліфікацыі і перападрыхтоўкі кадраў, а таксама кандыдата гістарычных навук Аляксандру Хаванскаму, выкладчыку цыкла ваеннага факультэта.
Ірына Фёдараўна павіншавала з прысваеннем звання дацэнта па спецыяльнасці "Гісторыя" Наталлю Івашчанку, дацэнта кафедры гісторыі Беларусі, археалогіі і спецыяльных гістарычных дысцыплін, кандыдата гістарычных навук па спецыяльнасці "Мовазнаўства" - Таццяну Фундатар, дацэнта кафедры англійскай філалогіі, кандыдата філалагічных навук.
Ганаровай граматай упраўлення адукацыі Гродзенскага аблвыканкама за шматгадовую добрасумленную працу ў сістэме адукацыі, актыўную навукова-педагагічную і грамадскую дзейнасць былі ўзнагароджаны Валянціна Лешчанка, дацэнт кафедры рускай філалогіі, кандыдат філалагічных навук, дацэнт.
За шматгадовую добрасумленную працу і высокі прафесіяналізм у паспяховай падрыхтоўцы спартсменаў сертыфікатам на санаторна-курортнае лячэнне быў узнагароджаны Вячаслаў Максімовіч, прафесар кафедры фізічнага выхавання і спорту, кандыдат педагагічных навук, прафесар.
Ганаровай граматай Гродзенскага дзяржаўнага ўніверсітэта імя Янкі Купалы былі ўзнагароджаны прадстаўнікі заказчыкаў кадраў: Святлана Семянчук, старшыня Гродзенскай абласной арганізацыі Беларускага прафсаюза работнікаў гандлю, спажывецкай кааперацыі і прадпрымальніцтва, Святлана Шчырая, начальнік Галоўнага статыстычнага ўпраўлення Гродзенскай вобласці, а таксама прадстаўнікі ГрДУ імя Янки Купалы за шматгадовы ўклад у развіццё студэнцкай навукі, актыўную навучальную і выхаваўчую дзейнасць і за добрасумленную працу: Валянціна Рабцэвіч, прафесар кафедры эканомікі і кіравання на прадпрыемстве, доктар гістарычных навук, прафесар, Аляксандр Белавусаў, дацэнт кафедры тэорыі і гісторыі дзяржавы і права, кандыдат юрыдычных навук, дацэнт, Люцына Леўта, бібліятэкар 1 катэгорыі аддзела абслугоўвання навуковай бібліятэкі, Наталля Новікава, вядучы спецыяліст інфармацыйна-аналітычнага цэнтра, Ганна Асіповіч, спецыяліст 1 катэгорыі кафедры міжнароднага бізнесу і маркетынгу.
Таксама ў рамках Савета ўпраўленне адукацыі Гродзенскага раённага выканаўчага камітэта выказала падзяку за шматгадовае і плённае супрацоўніцтва па арганізацыі і развіццю даследчай дзейнасці навучэнцаў ва ўстановах агульнай сярэдняй адукацыі Гродзенскага раёна Ірыне Піваварчык, дацэнту кафедры журналістыкі, кандыдату філалагічных навук, дацэнту Вользе Янчурэвіч, фізіялогіі чалавека і жывёл, кандыдату біялагічных навук.
Каштоўным падарункам за заслугі і дасягненні ў спартыўнай дзейнасці быў узнагароджаны галоўны трэнер жаночай каманды ўніверсітэта па валейболе Станіслаў Лісоўскі, дацэнт кафедры фізічнага выхавання і спорту.
Граматай Гродзенскага дзяржаўнага ўніверсітэта імя Янкі Купалы за поспехі ў вучобе, актыўны ўдзел у навуковым, грамадскім, творчым і спартыўным жыцці ўніверсітэта былі ўзнагароджаны ўдзельнікі каманды, якая заваявала Гран-пры Грамадзянска-патрыятычны марафон «Разам – за моцную і квітнеючую Беларусь!» – Мікіта Акудовіч, студэнт 3 курса факультэта гісторыі, камунікацыі і турызму, Данііл Амбражук, студэнт 4 курса факультэта інавацыйных тэхналогій машынабудавання, Лізавета Богуш, студэнт 2 курса факультэта фізічнай культуры, Ганна Гетманчук, студэнт 1 курса факультэта фізічнай культуры, Дар'я Канецкая, студэнт 2 курса педагагічнага факультэта, Яўгена Концява, студэнт 3 курса факультэта мастацтваў і дызайну, Вераніка Кугейка, студэнт 2 курса факультэта фізічнай культуры, Вера Мартынава, студэнт 3 курса юрыдычнага факультэта, Аксана Міранцова, студэнт 1 курса факультэта фізічнай культуры, Мікіта Нічыпар, студэнт 2 курса факультэта інавацыйных тэхналогій машынабудавання, Ульяна Амельчанка, студэнт 1 курса факультэта мастацтваў і дызайну, Маргарыта Пятрова, студэнт 2 курса філалагічнага факультэта, Анастасія Равуцкая, студэнт 2 курса юрыдычнага факультэта, Васіль Селіванюк, курсант 4 курса ваеннага факультэта, Лізавета Скрундзь, студэнт 2 курса факультэта, Кірылл Сарока, студэнт 1 курса факультэта фізічнай культуры.
На Савеце ўніверсітэта была абвешчана падзяка рэктара Гродзенскага дзяржаўнага ўніверсітэта імя Янкі Купалы Аляксандру Сілівончыку, студэнту 3 курса спецыяльнасці «Фізічная культура» факультэта фізічнай культуры.
Гродзенскі дзяржаўны ўніверсітэт імя Янкі Купалы