Залічэнне ў лік студэнтаў ІІ ступені атрымання вышэйшай адукацыі дзённай і завочнай форм атрымання адукацыі за кошт сродкаў рэспубліканскага бюджэту пройдзе 12 ліпеня, на платнай аснове - 14 ліпеня.
Да ўдзелу ва ўступных іспытах былі дапушчаны 345 абітурыентаў, 195 з якіх падалі заяву на дзённую форму атрымання адукацыі, 150 - на завочную.
Уступныя іспыты па спецыяльнасцях для абітурыентаў магістратуры ў 2022 годзе праходзілі ў адпаведнасці з зацверджаным раскладам 7 і 8 ліпеня ў 2 змены.
Абітурыенты паказалі высокі ўзровень валодання матэрыялам. Сярэдні бал, атрыманы абітурыентамі на ўступных іспытах, роўны 8,13. Адзнаку "дзесяць" атрымалі 9,23 працэнта абітурыентаў.
Гродзенскі дзяржаўны ўніверсітэт імя Янкі Купалы