22 красавіка на базе навуковай бібліятэкі адбыўся рэгіянальны семінар «Праблема некарэктных запазычанняў у адукацыі і навуцы», удзел у якім прынялі выкладчыкі, супрацоўнікі, магістранты, аспіранты, навуковыя супрацоўнікі Купалаўскага ўніверсітэта, Гродзенскага дзяржаўнага медыцынскага ўніверсітэта, Гродзенскага дзяржаўнага аграрнага ўніверсітэта, а таксама Гродзенскага філіяла ўстановы адукацыі «БІП – універсітэт права і сацыяльна-інфармацыйных тэхналогій». Семінар праходзіў у змешаным фармаце, што дало магчымасць прыняць у ім удзел звыш 120 чалавек.
Падчас працы семінара была звернута асаблівая ўвага на новыя магчымасці праграмы «Антиплагиат» як інструмента ацэнкі арыгінальнасці навуковых прац, на культуру навуковага цытавання і выкарыстання запазычанняў у навуковых тэкстах, на кіраванне інфармацыйнымі патокамі ва ўмовах лічбавага адукацыйнага асяроддзя.
Спікерам семінара выступіла Ірына Стралкова, кандыдат педагагічных навук, афіцыйны прадстаўнік кампаніі «Антиплагиат» у Рэспубліцы Беларусь.
Сімвалічна, что семінар адбыўся напярэдадні Міжнароднага дня кнігі і аўтарскага права, які адзначаецца з 1995 года сусветнай навуковай грамадскасцю 23 красавіка.
Гродненский государственный университет имени Янки Купалы