Удзельнікам прапануюць распрацаваць канцэпцыю экспазіцыі музея, расказаць аб гісторыка-культурных каштоўнасцях станаўлення касмічнай дзейнасці Беларусі, паразважаць аб ролі лічбавых тэхналогій у асваенні космасу.
Конкурс накіраваны на фарміраванне пазітыўнага каштоўнаснага стаўлення навучэнцаў да навукова-даследчага патэнцыялу і развіцця тэхналогій Рэспублікі Беларусь па асваенні космасу. Запрашаем усіх жадаючых прыняць удзел у гэтым унікальным мерапрыемстве, каб разам стварыць цікавыя і натхняльныя праекты, якія адлюстроўваюць прыгажосць і значнасць касмічных даследаванняў для нашай краіны.
Арганізатарамі выступаюць Міністэрства адукацыі Рэспублікі Беларусь, Нацыянальная акадэмія навук Беларусі пры ўзаемадзеянні з Міністэрствам культуры Рэспублікі Беларусь, Віцебскім абласным выканаўчым камітэтам, грамадскім аб'яднаннем "Беларускі рэспубліканскі саюз моладзі".
Першы этап праводзіцца з 1 сакавіка па 14 красавіка 2025 года ва ўстановах адукацыі Рэспублікі Беларусь. На дадзеным этапе будзе праходзіць збор конкурсных прац. Арганізацыю і правядзенне гэтага этапа забяспечваюць кіраўнікі ўстаноў адукацыі.
Работы прымаюцца ў чатырох намінацыях: “Музей космасу Беларусі!”, “Беларусы ў космасе. Жыцці і подзвігі касманаўтаў, ураджэнцаў Беларусі”, “Беларусы для космасу”, “Будучыня касмічнага развіцця чалавецтва, асваення калязямной прасторы”, “Лічбавыя тэхналогіі ў вырашэнні праблем асваення космасу”.
Больш падрабязна з умовамі можна пазнаёміцца ў ПАЛАЖЭННІ.
Гродзенскі дзяржаўны ўніверсітэт імя Янкі Купалы