У захапляльным свеце адукацыі і магчымасцяў кожны купалавец валодае ўнікальным патэнцыялам для вялікіх здзяйсненняў. Гродзенскі дзяржаўны ўніверсітэт імя Янкі Купалы зноў запрашае маладых амбіцыйных студэнтаў прыняць удзел у самай захапляльнай падзеі навучальнага года – конкурсе “Студэнт года – 2024”.
У ГрДУ імя Янкі Купалы стартаваў набор на конкурс "Студэнт года - 2024". Да ўдзелу запрашаюцца студэнты І ступені дзённай формы навучання, якія маюць высокія дасягненні ў вучэбнай, навукова-даследчай, грамадскай дзейнасці, спартыўным, культурным жыцці і творчасці.
Конкурс пройдзе ў два этапы - завочны і вочны этап, які адбудзецца 31 кастрычніка.
Удзельнікам трэба будзе прадэманстраваць свае таленты ў розных конкурсных іспытах: конкурсе праектаў, відэаролікаў, інтэлектуальным конкурсе і конкурсе аратарскага майстэрства. А таксама праявіць свае таленты ў творчасці і прэзентаваць "Візітную картку" і "Творчы нумар".
Пераможца прадставіць Alma mater на абласным конкурсе "Студэнт года-2024".
Падаць заяўку (аформленую па форме) неабходна да 15 верасня ў аддзел падтрымкі маладзёжных праектаў і ініцыятыў (вул. Ажэшкі, 22, каб. 308)! Больш падрабязна ў Палажэнні.
Падрыхтуйцеся да прыгоды, якая зменіць ваша жыццё, - далучайцеся да конкурсу "Студэнт года - 2024" у ГрДУ імя Янкі Купалы і дакажыце ўсяму свету, на што здольная моладзь. Дазвольце сабе зазірнуць за гарызонты вучобы, і самае галоўнае - у сябе.
Засталіся пытанні? Тэлефануйце па нумары тэлефона +375 152 39 72 09.
Гродзенскі дзяржаўны ўніверсітэт імя Янкі Купалы